Չոր խոտերը այրելիս հրդեհվել է նաև վագոն-տնակը

Սեպտեմբերի 13-ին, ժամը 16.15-ին, ոստիկանության Արտաշատի բաժնում ահազանգ է ստացվել, որ Երևան-Երասխ ճանապարհի 24-րդ կմ-ի հատվածին կից դաշտում հրդեհ է: Մեկնած օպերատիվ խումբը պարզել է, որ ժամը 15.45-ի սահմաններում, 1945 թ. ծնված Վարազդատ Գ.-ն հողատարածքի սեփականատիրոջ խնդրանքով, հողամասը մաքրելու նպատակով, այրել է չոր խոտերը, ինչի հետևանքով այրվել է նաև հողամասում գտնվող վագոն-տնակը: Հրդեհը մարվել է ժամը17.33-ին` մարտական 1 հաշվարկի ուժերով: Հրդեհի հետևանքով պատճառված նյութական վնասի չափը գերազանցում է 100.000 դրամը: Հրդեհային տեսչության կողմից կատարվում է հետաքննություն: