ՀՀ նախագահը շնորհավորել է Անատոլի Գրիգորյանին՝ 75-ամյակի առթիվ
hraparak
4 Հունիս 2016 | 10:18
0
ՀՀ նախագահ Սերժ Սարգսյանն այսօր՝ հունիսի 4-ին, շնորհավորական հեռագիր է հղել Հայաստանի Հանրապետության ժողովրդական նկարիչ Անատոլի Գրիգորյանին՝ ծննդյան 75-րդ տարեդարձի առթիվ:
«Անուրանալի է Ձեր վաստակը հայ կերպարվեստի, մասնավորապես՝ գեղանկարչության ավանդույթների պահպանման եւ զարգացման գործում: Առանձնահատուկ նրբաճաշակությամբ եւ բանաստեղծականությամբ Դուք կարողանում եք կյանքի պարզ եւ առօրեական դրվագները ներկայացնել պայծառ լավատեսությամբ: Գնահատելի է նաեւ Ձեր մանկավարժական գործունեությունը:
Մաղթում եմ Ձեզ քաջառողջություն եւ ստեղծագործական նոր ձեռքբերումներ»,-ասված է ՀՀ նախագահի շնորհավորական հեռագրում:
Կարծիքներ