Հրդեհներ խոտածածկ տարածքներում

Ինչպես տեղեկացնում են ՀՀ ԱԻՆ մամուլի ծառայությունից,հոկտեմբերի 2-3-ը ՀՀ ԱԻՆ Ճգնաժամային կառավարման ազգային կենտրոնում ահազանգեր են ստացվել հանրապետության տարբեր խոտածածկ տարածքներում բռնկված հրդեհների վերաբերյալ:

Մասնավորապես` Արմավիր-Նաիրի ավտոճանապարհի ձախակոմյան հատվածում այրվել է 3 հա խոտածածկ տարածք, Մ-3 ավտոճանապարհի Վանաձոր-Սպիտակ հատվածի 12-րդ կմ-ում՝ «Ռոսիա» ժամանցային կենտրոնի մոտակայքում՝ 10 հա, Արագածոտնի մարզի Ագարակ գյուղին հարակից դաշտում՝ 1000 քմ, Վայոց ձորի մարզի Եղեգնաձոր քաղաքի գերեզմանատան տարածքում՝ 300 քմ, Շիրակի մարզի Հոռոմ գյուղի «Կալեր» կոչվող հատվածում՝ 1000 հակ կուտակված անասնակեր:

Բոլոր հրդեհները հրշեջ-փրկարարները մեկուսացրել են և մարել: