Թիլերսոնը այցելում է Ռուսաստան
ԱՄՆ պետքարտուղար Ռեքս Թիլերսոնը Ռուսաստան կայցելի ապրիլի 12-ին: ՌԴ արտգործնախարար Սերգեյ Լավրովի հետ նա կքննարկի Ուկրաինայում և Սիրիայում տիրող իրավիճակը, ինչպես նաև ահաբեկչության դեմ պայքարը, տեղեկացնում է ТАСС-ը՝ հղում կատարելով ԱՄՆ պետքարտուղարության հայտարարությանը:
Պետդեպի պաշտոնական ներկայացուցիչ Մարկ Թոների բնորոշմամբ՝ Թիլերսոնի այցը «բարձրաստիճան ռուս պաշտոնյաների հետ կապերի պահպանմանն ուղղված իրենց ջանքերի մի մասն է» միայն:
Թիլերսոնը ապրիլի 9-11-ը կայցելի իտալական Լուկա, որտեղ կանցկացվի «Մեծ յոթնյակի» երկրների ԱԳ նախարարների հանդիպումը:
Կարծիքներ