Ղազախստանի ԱԳ նախարարությունը Ժնեւի Միջսիրիական բանակցություններում սուր քննարկումների ակնկալիք ունի
Ղազախստանի ԱԳ նախարար Կայրատ Աբդռահմանովն ակնկալում է, որ Ժնեւում տեղի ունենալիք Միջսիրիական բանակցություններին սպասվում են սուր քննարկումներ: «Այնտեղ` Ժնեւում, քննարկվելու են հարցերի չորս խումբ` կապված կառավարության հետ, ընտրությունների հետ, սահմանադրության հետ եւ ահաբեկչության դեմ պայքարի հետ: Յուրաքանչյուր խումբը կարիք ունի ոչ միայն առանձնակի ուշադրության, այլ նաեւ սպասվում են սուր քննարկումներ, քանի որ կողմերի դիրքորոշումները փոխընդունելի չեն»,- հայտարարել է Աբդռահմանովը, ինչպես հաղորդում է ՌԻԱ Նովոստի լրատվական գործակալությունը:
Հիշեցնենք, որ այսօր մեկնարկում է Ժնեւյան Միջսիրիական բանակցությունների հերթական փուլը, որը փորձագետներն համարում են ամենից կարճատեւը: Կողմերը փորձելու են Աստանայի ձեռքբերումները զարգացնել եւ հասնել քաղաքական կարգավորման բազայի ձեւավորմանը: Սպասվում է, որ բռնության լիցքաթափման գոտիների մասով հուշագիր կստորագրվի:
Կարծիքներ