Ձեռք ենք բերում նոր արտոնյալներ, որոնք իշխանիկների, քաղաքային իշխանության տեսքով են․ Մանվել Գրիգորյանի պաշտպան
Այսօր մեր դատական իշխանությունը ես նմանեցնում եմ նախորդ դարի 90-ական թվականների դատական իշխանության հետ: Այս մասին այսօր լրագրողների հետ հանդիպման ժամանակ ասաց ԱԺ նախկին պատգամավոր Մանվել Գրիգորյանի պաշտպան Լևոն Բաղդասարյանը:
Նրա խոսքով՝ վստահ էին, որ Հայաստանում տեղի ունեցած հեղափոխությամբ երկրում արտոնյալները վերացել են, սակայն հարց է առաջանում՝ նո՞ր արտոնյալներ են բուծում։ «Հեղափոխությունից հետո մենք ձերբազատվեցինք արտոնյալներից, բայց ձեռք ենք բերում նոր արտոնյալներ, որոնք իշխանիկների, քաղաքային իշխանության ու մնացյալի տեսքով են։ Երևանի քաղաքային իշխանությունը փոխարենը մտածի, թե ինչ պետք է անի, որպեսզի զարգացնի բիզնես միջավայրը, ամեն ինչ անում է, որպեսզի ունեզրկի տվյալ բիզնեսը, և ամեն ինչ անում է, որպեսզի դատարանում իր ուրույն դերն ու տեղն ունենա։ Որպես իրավապաշտպան՝ պայքարելու եմ»։
Կարծիքներ