Բաքուն պարտավոր է բացել Լաչինի միջանցքը․ ԵԱՀԿ-ում ԵՄ դեսպան
ԵԱՀԿ-ում ԵՄ մշտական ներկայացուցիչ Ռասա Աստրաուսկայտեն Վիեննայում ԵԱՀԿ Մշտական խորհրդի նիստում ասել է, որ Լաչինի միջանցքի շրջափակումը լարվածություն է ստեղծում տարածաշրջանում։
«ԵՄ-ն բազմիցս կոչ է արել Ադրբեջանի իշխանություններին ամբողջությամբ ապահովել Լաչինի միջանցքով ապրանքների և մարդկանց տեղաշարժի վերականգնումը` համաձայն Արդարադատության միջազգային դատարանի որոշման, ինչպես նաև ապահովել էներգիայի անսահմանափակ մատակարարումը: Ներկայիս իրավիճակը կայուն չէ և լարվածություն է ստեղծում»,- գրել է քաղաքական գործիչը Twitter-ում։
Հիշեցնենք, որ Երեւանի խնդրանքով հրավիրված արտահերթ հանդիպմանը ելույթ է ունեցել նաեւ Հայաստանի արտգործնախարար Արարատ Միրզոյանը։
Կարծիքներ