Արսեն Թորոսյանը այցելել է Արտաշատի ԲԿ
Արարատի մարզպետ Գարիկ Սարգսյանը ֆեյսբուքյան իր էջում գրում է՝
«Առողջապահության նախարար Արսեն Թորոսյանի և փոխնախարար Արտյոմ Սմբատյանի հետ այսօր այցելեցինք Արտաշատի բժշկական կենտրոն՝ կրկին ծանոթանալու այստեղ բուժում ստացող կորոնավիրուսային հիվանդությամբ վարակված պացիենտների առողջական վիճակին, ինչպես նաև մատուցվող բժշկական ծառայությունների որակին։
Կենտրոնի տնօրեն Հայկ Համբարձումյանը և COVID-19-ի կլինիկական աշխատանքների գծով համակարգող Լիլիթ Մուսեյանը հանգամանորեն ներկայացրեցին այս պահին ԲԿ-ում հիվանդանոցային բուժում ստացող 120 պացիենտների առողջական վիճակն՝ ընդգծելով, որ բուժանձնակազմի կողմից արվում է ամեն ինչ՝ նրանց որակյալ բժշկական օգնություն ու հոգեբանական աջացություն ցուցաբերելու նպատակով:
Ուրախալի է, որ ԲԿ-ում բժշկական օգնության կազմակերպումը բարձր մակարդակով է կատարվում, պացիենտների բուժման համար ստեղծված են բոլոր պայմանները։
Եվս մեկ անգամ շնորհակալություն մեր հերոս բժիշկներին այս ծանր օրերին նման պատասխանատվությամբ աշխատելու և բուժում ստացող քաղաքացիների նկատմամբ հոգատար վերաբերմունք ցուցաբերելու համար»։
Կարծիքներ