23- ամյա Բոքոնիկ Սերյոգան քաղաքապետարանում պաշտոն է ստացել
Ստեփանավանի տարածաշրջանում մանկական միջոցառումների կազմակերպիչ Սերյոժա Շահբազյանը, որը, մեզ ասացին, ավելի հայտնի է Բոքոնիկ Սերյոգա մականվամբ,եւ վայելում է ՔՊ հովանավորչությունը, Լոռվա մարզի Ստեփանավանի քաղաքապետի ԺՊ Արմեն Գրիգորյանի կողմից նշանակվել է քաղաքապետարանի տուրիզմի զարգացման բաժնի պետ։
Նշենք, որ Սերյոժա Շահբազյանը ընդամենը 23 տարեկան է։ Մենք փորձեցինք տեղեկությունը ճշտել Ստեփանավանի քաղաքապետարանից․
«Մենք այդպիսի հաստիք չունենք և վարչության պետ հասկացություն չկա, դա ընդամենը հասարակական կարգով համակարգող է, ինֆոկենտրոնի համակարգող։ Այդպիսի բաժին չկա, բաժնի պետ չկա։ Դա ստորաբաժանում էլ չէ, քաղաքացիական աշխատանք կատարող է»,- ասաց քաղաքապետարանի աշխատակազմի քարտուղարը։
Հարցրինք՝ բայց քաղաքապետարանի վերահսկողության տակ է, չէ՞, գործում․
«Բա իհարկե, համայնքապետարանի հաստիքացուցակում է, Դուք կարող եք մեր կայքէջը բացել, նայել»։
Կարծիքներ