Պետք է վերանայել «հացահատիկային համաձայնագիրը». ՌԴ ԱԳ փոխնախարար
Ռուսաստանը կարծում է, որ կարիքավոր երկրներին պարենով ապահովելու համար պետք է ճշգրտումներ մտցվեն «հացահատիկի համաձայնագրի» վերաբերյալ գործում։
Այդ մասին ասել է Ռուսաստանի փոխարտգործնախարար Սերգեյ Վերշինինը Ստամբուլում Ռուսաստանի և Թուրքիայի միջև քաղաքական խորհրդակցություններից հետո։ Նրա խոսքով, քաղաքական խորհրդակցությունները օգտակար են եղել։
«ԱՄՆ-ի և ԵՄ-ի գործընկերները պետք է հայտարարություններից անցնեն իրական գործողությունների՝ Ռուսաստանից գյուղմթերքների արտահանման վրա դրված սահմանափակումները վերացնելու համար։ Ռուսաստանը կշարունակի աշխատել ՄԱԿ-ի ներկայացուցիչների հետ աշխարհում պարենային անվտանգության ապահովման համար»,- ընդգծել է ռուս դիվանագետը։
Վերշինինը հավելել է, որ Ստամբուլում անցկացված քաղաքական խորհրդակցությունների ժամանակ թուրքական կողմը մանրամասն տեղեկացվել է Ուկրաինայի ԶՈւ ագրեսիվ պահվածքի մասին։
Կարծիքներ