Տավուշի մարզպետը խնդրում է տավուշցիներին ուշադիր լինել անտառների նկատմամբ

Տավուշի մարզպետը խնդրում է տավուշցիներին ուշադիր լինել անտառների նկատմամբ

Տավուշի մարզպետ Հայկ Չոբանյանը ֆեյսբուքյան ուղիղ եթերով խնդրում է տավուշցիներին ուշադիր լինել անտառների նկատմամբ։ Նա, մասնավորապես, ասել է՝ 

«Այսօր ամենաբովանդակալից օրերից մեկն է մեր Տավուշ աշխարհում, որովհետեւ ավանդաբար այսօր բոլոր տավուշցիները, այդ թվում՝ նրանք, որ դրսում են ապրում, վերադառնում են հայրենի բնակավայր իրենց հարազատների հետ նշելու Վարդավառը։

Ես 3 խնդրանք ունեմ ՝որ լավ վայելեք իրար եւ լավ քեֆ անեք,

•    որ ուշադիր լինեք հրդեհների նկատմամբ, քանի որ մեր անտառները կարող են վտանգվել դրանից,

•   խնդրում եմ ամենավերջում, որ կավարտեք ձեր խնջույքը, ուշադիր եղեք, որ նույնիսկ մեկ աղբ չմնա ձեզանից հետո անտառում։

Ես, մեր ամբողջ ժողովուրդը եւ բնությունը շնորհակալ կլինի ձեզ դրա համար»։