«Գեղեցիկ տղա է»․ Բայդենը՝ Թրամփի բանտային լուսանկարի մասին
ԱՄՆ նախագահ Ջո Բայդենն Դոնալդ Թրամփի՝ բանտից արված լուսանկարը մեկնաբանելիս ասել է՝ «գեղեցիկ տղա է»։
«Ես տեսա [լուսանկարը] հեռուստացույցով։ Գեղեցիկ տղա է։ Հիանալի տղա», - հեգնել է Բայդենը՝ լրագրողների հետ՝ Նևադայում կայացած զրույցում, փոխանցում է C-SPAN-ը։
ԱՄՆ ղեկավարն այժմ իր արձակուրդն անցկացնում է հենց Նևադայում։ Ավելի վաղ, Թրամփի՝ բանտ ներկայանալու նույն օրը Բայդենը գրել էր՝ այսօր, կարծում եմ, հրաշալի օր է։
Ավելի վաղ, ԱՄՆ նախկին նախագահ Դոնալդ Թրամփը ժամանել է Ջորջիա նահանգի բանտ, որտեղ նրա դեմ 4-րդ քրեական գործն է քննվում՝ նահանգում 2020 թվականի նախագահական ընտրությունների արդյունքները «ռեկետային» մեթոդներով շահարկելու փորձի համար։ Նախկին նախագահը լուսանկարվել է ձերբակալության ժամանակ, ինչը մեծ տարածում է գտել համացանցում։
Քաղաքական գործիչը կալանքի տակ է անցկացրել մոտ կես ժամ և ազատ է արձակվել նախապես պայմանավորված 200 հազար դոլար գրավի դիմաց։
Կարծիքներ