ՌԴ-ում վտանգավոր եղանակ է սպասվում. ԱԻՆ-ը դիմել է բնակիչներին

Ռուսաստանի ԱԻՆ Սվերդլովսկի մարզի գլխավոր վարչությունը մարզի բնակիչներին նախազգուշացրել է մայիսի 27-ին սպասվող վտանգավոր եղանակի մասին. տարածաշրջանում սպասվում է քամու ուժգնացում մինչև 17 մետր վայրկյան արագությամբ: Քաղաքացիներին հորդորել են լինել զգոն:

«Ըստ օդերևութաբանների՝ մայիսի 27-ին Սվերդլովսկի մարզում սպասվում է քամու ուժգնացում մինչև 17 մետր վայրկյան արագությամբ։ Հորդորում ենք քաղաքացիներին լինել զգոն և պահպանել անվտանգ վարքագծի կանոնները»,- ասվում է գերատեսչության պաշտոնական Telegram ալիքում։

Մայիսի 26-ի ցերեկը և գիշերը տարածաշրջանում սպասվում են մինչև 25 մ/վրկ արագությամբ քամու պոռթկումներ։ Փրկարարները խորհուրդ են տալիս աշխատանքներ չկատարել բարձրության վրա և բաց երկնքի տակ, իսկ հետիոտներին խորհուրդ է տրվում հնարավորինս հեռու շարժվել շինհրապարակներից և էլեկտրահաղորդման գծերից։