Ադրբեջանում ևս ջրհեղեղ է. ավերածություններ կան
![Ադրբեջանում ևս ջրհեղեղ է. ավերածություններ կան](https://hraparak.am/uploads/images/2024/05/image_750x_665329535d874.jpg)
Ադրբեջանում տեղացած հորդառատ անձրևների պատճառով Ղազախի շրջանում ափերից դուրս են եկել Ջողազ, Աղստև և Խրամ գետերը, ինչը հանգեցրել է լուրջ հետևանքների։
Դեմիրլի գյուղի մերձակայքում գտնվող Ջողազ գետի վրա գտնվող կամուրջը մասամբ փլուզվել է, հայտնում են ադրբեջանական ԶԼՄ-ները:
Խրամ և Աղստև գետերի վարարման հետևանքով ջրի տակ են անցել քաղաքացիներին պատկանող օբյեկտներ և տարածքներ։ Բացի այդ Իքինջլի Շիխլի գյուղում անտառային տարածքը գտնվում է հեղեղումների գոտում։
Ներկայում տարածքում տեղակայված են համապատասխան կառույցների աշխատուժն ու տեխնիկան, աշխատանքներ են տարվում տարերային աղետի հետեւանքների վերացման ուղղությամբ։
Կարծիքներ