Ես էդ էյֆորիայի ֆոնը չեմ զգում, անկեղծ ասած
Առողջապահության նախարար, «Քաղաքացիական պայմանագիր» կուսակցության անդամ Արսեն Թորոսյանին հարցրինք՝ գործող Ազգային ժողովն իրեն՝ որպես նախարար, խանգարո՞ւմ է, օրինակ՝ իր բերած օրինագծերը քննարկելու և անցկացնելու հարցում։
«Ես, ճիշտն ասած, հարցը էդպես չէի դնի, որովհետև խանգարել-չխանգարելը մի քիչ հարաբերական է, բայց Ազգային ժողովը ներկայացուցչական, ամենաբարձրադիր իշխանության մարմինն է և պետք է արտացոլի ժողովրդի կամքը, այսինքն՝ ընտրողների կամքը։ Իսկ մենք գիտենք, որ հիմա դա այդպես չէ, և դա պետք է ուղղվի առավելագույնս արագ ժամանակում, և ներկայացված ուժերի վերադասավորությունը լինի իրական»,-**Hraparak.am**-ի հետ զրույցում ասաց Արսեն Թորոսյանը։
**-Այդ դեպքում ինչո՞ւ ավելի շուտ չարեցիք ընտրությունները՝ մայիսի 8-ին վարչապետի ընտրություններից անմիջապես հետո լծվեիք այդ գործին, արդյոք դեկտեմբերը լավագույն ամի՞սն է ընտրությունների անցկացման համար։**
-Դրա մասին բազմիցս խոսվել է, ընթացքում նաև մեր մոտեցումներում վերանայումներ են եղել, այդ թվում՝ հաշվի առնելով այս պահին Ազգային ժողովում մեծամասնություն կազմող ուժի վարքագիծը։
**-Այսինքն՝ հակահեղափոխության վտա՞նգն էր, որ արագացրեց այդ պրոցեսը։**
-Դա կարող ենք անվանել հակահեղափոխություն կամ ռևանշիզմ, ինչևէ, այդ մտահոգությունը նաև արագացրեց այս պրոցեսները։
**-Բայց արդյոք դա բխո՞ւմ է ժողովրդի շահերից, վարչապետը պնդում է, թե ժողովուրդը պահանջում է դեկտեմբերին, բայց ես չեմ հիշում, որ ժողովուրդը ելներ և պահանջեր, որ դեկտեմբերին է ուզում։ Եթե վարչապետը գլխի չգցեր, դժվար թե ժողովուրդը նման բան «պահանջեր»։**
-Ժողովուրդը, ինձ թվում է, էդ պահանջը կապիտալացրեց նաև Երևանի ընտրություններով, և ասում եմ՝ Ազգային ժողովը պետք է լինի ներկայացուցչական, ոչ թե այնպես, ինչպես հիմա ունենք։ Ժամկետների առումով քաղաքականությունը դինամիկ պրոցես է, և թե՛ ուժերի մոտիվներն են փոխվում ժամանակի ընթացքում, և թե՛ այդ մոտիվների արդյունքում գործողությունները։ Ես կարծում եմ, որ հիմա կայացված որոշումները ճշգրիտ են և պետք է արագ իրագործվեն։
**-Տեսակետ կա, որ վարչապետն իր նեղ անձնական ամբիցիաներից, շահերից ելնելով, իշխանությունը կորցնելու և իր անձի հանդեպ հավանական վտանգը կանխազգալով է փորձում նման քայլի գնալ՝ ժողովրդին իրեն վահան դարձնելով։**
-Իհարկե, ոչ, ես կարող եմ իմ անունից ասել, որ մենք իշխանության մաս ենք կազմում ընդամենը երկրում դրական փոփոխություններ անելու համար և ոչ թե ինչ-որ բան գտնելու կամ կորցնելու։ Մեզ այլ բան կառավարությունում չի պահում պարզապես։
**-Բայց պարզ է, չէ՞, որ իշխանությունը կորցնելով՝ դուք շատ բան կարող եք կորցնել, և այն քրեական գործերը, որոնք այսօր հարուցվում են նախորդ իշխանությունների ներկայացուցիչների նկատմամբ, շատ հնարավոր է՝ դրանք հետո ձեր դեմ շրջվեն։**
-Ինձ թվում է՝ մենք չենք կորցնի, այլ կկորցնի երկիրը, եթե այս դրական փոփոխությունները ինչ-որ մի պահի կանգնեն։ Դրանք պետք է շարունակական լինեն, իսկ շարունակական լինելու համար անհրաժեշտ են արտահերթ խորհրդարանական ընտրություններ։
**-Ըստ Ձեզ՝ էյֆորիայի ֆոնին արդյունավետ կլինե՞ն արտահերթ խորհրդարանական ընտրությունները։**
-Ես էդ էյֆորիայի ֆոնը չեմ զգում, անկեղծ ասած, ի՞նչ ասել է էյֆորիա։
**-Մենք զգում ենք, օրինակ՝ Ֆեյսբուքում տեղ գտած քոմենթներով, ԱԺ-ն պաշարած ժողովրդի արձագանքներով ու հայհոյանքներով, ոգևորությամբ, վարչապետին աստվածացնելով։**
-Ես, ճիշտն ասած, էդ տերմինները՝ պաշարել, էյֆորիա, աստվածացնել, մի քիչ տեղին չեմ համարում, որովհետև եթե ժողովուրդն իրեն՝ որպես ներկայացուցիչ, էս պահին տեսնում է Նիկոլ Փաշինյանին՝ որպես գործադիր իշխանության ղեկավարի, դա ընդամենը ժողովրդի կամարտահայտությունն է, և կարող է ժամանակի ընթացքում փոխվել, ինչին որ մենք պատրաստ ենք, և ուզում ենք նման երկիր ունենալ, որ ժողովուրդն ինքը որոշի իր իշխանությանը և կառավարությանը, և հանրավորություն ունենա փոփոխելու։
**-Այդ փոփոխության վտանգն է հենց ստիպում նման քայլի գնալ, որ այդ էյֆորիան կմարի, վերաբերմունքը կփոխվի ձեր հանդեպ, դրա համար էլ ուզում են օր առաջ նոր ընտրություններ անցկացնել։**
-Ես նորից եմ ասում՝ էդ էյֆորիա ասվածը, էդ ոգևորությունը ճիշտ չեմ համարում քաղաքական պրոցեսների վրա ազդեցության առումով, որովհետև խնդիրն այստեղ պարզապես ժողովրդի ընտրության իրավունքն իրացնելն է, որից նա զրկված է եղել մինչ օրս տարբեր պատճառներով՝ խախտված ընտրություններ, ընտրակաշառք և այլն։
**-Մայիսին թող իրացնի այդ իրավունքը։**
-Ես ասում եմ՝ քաղաքականությունը դինամիկ պրոցես է, և որոշումները պարբերաբար փոխվում են՝ հաշվի առնելով տարբեր ուժերի, գործոնների ազդեցությունը։
**Վահե ՄԱԿԱՐՅԱՆ**
«Ես, ճիշտն ասած, հարցը էդպես չէի դնի, որովհետև խանգարել-չխանգարելը մի քիչ հարաբերական է, բայց Ազգային ժողովը ներկայացուցչական, ամենաբարձրադիր իշխանության մարմինն է և պետք է արտացոլի ժողովրդի կամքը, այսինքն՝ ընտրողների կամքը։ Իսկ մենք գիտենք, որ հիմա դա այդպես չէ, և դա պետք է ուղղվի առավելագույնս արագ ժամանակում, և ներկայացված ուժերի վերադասավորությունը լինի իրական»,-**Hraparak.am**-ի հետ զրույցում ասաց Արսեն Թորոսյանը։
**-Այդ դեպքում ինչո՞ւ ավելի շուտ չարեցիք ընտրությունները՝ մայիսի 8-ին վարչապետի ընտրություններից անմիջապես հետո լծվեիք այդ գործին, արդյոք դեկտեմբերը լավագույն ամի՞սն է ընտրությունների անցկացման համար։**
-Դրա մասին բազմիցս խոսվել է, ընթացքում նաև մեր մոտեցումներում վերանայումներ են եղել, այդ թվում՝ հաշվի առնելով այս պահին Ազգային ժողովում մեծամասնություն կազմող ուժի վարքագիծը։
**-Այսինքն՝ հակահեղափոխության վտա՞նգն էր, որ արագացրեց այդ պրոցեսը։**
-Դա կարող ենք անվանել հակահեղափոխություն կամ ռևանշիզմ, ինչևէ, այդ մտահոգությունը նաև արագացրեց այս պրոցեսները։
**-Բայց արդյոք դա բխո՞ւմ է ժողովրդի շահերից, վարչապետը պնդում է, թե ժողովուրդը պահանջում է դեկտեմբերին, բայց ես չեմ հիշում, որ ժողովուրդը ելներ և պահանջեր, որ դեկտեմբերին է ուզում։ Եթե վարչապետը գլխի չգցեր, դժվար թե ժողովուրդը նման բան «պահանջեր»։**
-Ժողովուրդը, ինձ թվում է, էդ պահանջը կապիտալացրեց նաև Երևանի ընտրություններով, և ասում եմ՝ Ազգային ժողովը պետք է լինի ներկայացուցչական, ոչ թե այնպես, ինչպես հիմա ունենք։ Ժամկետների առումով քաղաքականությունը դինամիկ պրոցես է, և թե՛ ուժերի մոտիվներն են փոխվում ժամանակի ընթացքում, և թե՛ այդ մոտիվների արդյունքում գործողությունները։ Ես կարծում եմ, որ հիմա կայացված որոշումները ճշգրիտ են և պետք է արագ իրագործվեն։
**-Տեսակետ կա, որ վարչապետն իր նեղ անձնական ամբիցիաներից, շահերից ելնելով, իշխանությունը կորցնելու և իր անձի հանդեպ հավանական վտանգը կանխազգալով է փորձում նման քայլի գնալ՝ ժողովրդին իրեն վահան դարձնելով։**
-Իհարկե, ոչ, ես կարող եմ իմ անունից ասել, որ մենք իշխանության մաս ենք կազմում ընդամենը երկրում դրական փոփոխություններ անելու համար և ոչ թե ինչ-որ բան գտնելու կամ կորցնելու։ Մեզ այլ բան կառավարությունում չի պահում պարզապես։
**-Բայց պարզ է, չէ՞, որ իշխանությունը կորցնելով՝ դուք շատ բան կարող եք կորցնել, և այն քրեական գործերը, որոնք այսօր հարուցվում են նախորդ իշխանությունների ներկայացուցիչների նկատմամբ, շատ հնարավոր է՝ դրանք հետո ձեր դեմ շրջվեն։**
-Ինձ թվում է՝ մենք չենք կորցնի, այլ կկորցնի երկիրը, եթե այս դրական փոփոխությունները ինչ-որ մի պահի կանգնեն։ Դրանք պետք է շարունակական լինեն, իսկ շարունակական լինելու համար անհրաժեշտ են արտահերթ խորհրդարանական ընտրություններ։
**-Ըստ Ձեզ՝ էյֆորիայի ֆոնին արդյունավետ կլինե՞ն արտահերթ խորհրդարանական ընտրությունները։**
-Ես էդ էյֆորիայի ֆոնը չեմ զգում, անկեղծ ասած, ի՞նչ ասել է էյֆորիա։
**-Մենք զգում ենք, օրինակ՝ Ֆեյսբուքում տեղ գտած քոմենթներով, ԱԺ-ն պաշարած ժողովրդի արձագանքներով ու հայհոյանքներով, ոգևորությամբ, վարչապետին աստվածացնելով։**
-Ես, ճիշտն ասած, էդ տերմինները՝ պաշարել, էյֆորիա, աստվածացնել, մի քիչ տեղին չեմ համարում, որովհետև եթե ժողովուրդն իրեն՝ որպես ներկայացուցիչ, էս պահին տեսնում է Նիկոլ Փաշինյանին՝ որպես գործադիր իշխանության ղեկավարի, դա ընդամենը ժողովրդի կամարտահայտությունն է, և կարող է ժամանակի ընթացքում փոխվել, ինչին որ մենք պատրաստ ենք, և ուզում ենք նման երկիր ունենալ, որ ժողովուրդն ինքը որոշի իր իշխանությանը և կառավարությանը, և հանրավորություն ունենա փոփոխելու։
**-Այդ փոփոխության վտանգն է հենց ստիպում նման քայլի գնալ, որ այդ էյֆորիան կմարի, վերաբերմունքը կփոխվի ձեր հանդեպ, դրա համար էլ ուզում են օր առաջ նոր ընտրություններ անցկացնել։**
-Ես նորից եմ ասում՝ էդ էյֆորիա ասվածը, էդ ոգևորությունը ճիշտ չեմ համարում քաղաքական պրոցեսների վրա ազդեցության առումով, որովհետև խնդիրն այստեղ պարզապես ժողովրդի ընտրության իրավունքն իրացնելն է, որից նա զրկված է եղել մինչ օրս տարբեր պատճառներով՝ խախտված ընտրություններ, ընտրակաշառք և այլն։
**-Մայիսին թող իրացնի այդ իրավունքը։**
-Ես ասում եմ՝ քաղաքականությունը դինամիկ պրոցես է, և որոշումները պարբերաբար փոխվում են՝ հաշվի առնելով տարբեր ուժերի, գործոնների ազդեցությունը։
**Վահե ՄԱԿԱՐՅԱՆ**
Կարծիքներ