Կիրակոս վարդապետ Դավթյանը ստանձնեց Հայ Առաքելական եկեղեցու Գեղարքունյաց թեմի առաջնորդական տեղապահի պաշտոնը
Հայ Առաքելական եկեղեցու Գեղարքունյաց թեմի առաջնորդական տեղապահ Կիրակոս վարդապետ Դավթյանի պաշտոնավարման սկիզբը նշանավորվել է կիրակնօրյա Պատարագի մատուցմամբ եւ Ջրօրհնեքի արարողությամբ, որն օծվել է նոր օրհնված Սուրբ մյուռոնով:
«Արմենպրես»-ի տեղեկացմամբ` Սուրբ պատարագին նախորդեց խոստովանության կարգը, որը կատարեց Գեղարքունյաց թեմի նախկին առաջնորդ Մարկոս եպիսկոպոս Հովհաննիսյանը: Սուրբ պատարագի, թեմակալության ընդունման եւ ջրօրհնեքի արարողությանը մասնակցեցին Գեղարքունիքի մարզպետի տեղակալ Անդրանիկ Հակոբյանը, մի շարք համայնքների ղեկավարներ, մարզպետարանի աշխատակիցներ, Գավառ քաղաքի եւ շրջակա համայնքների հավատավորներ:
Սուրբ պատարագի ընթացքում Մարկոս եպիսկոպոս Հովհաննիսյանը հավատավորներին է ներկայացրել թեմի նոր առաջնորդական տեղապահին, հույս հայտնելով, որ Գեղարքունյաց աշխարհում նույն ջերմեռանդությամբ կշարունակվեն Աստվածահաճո գործերը, եկեղեցաշինական ձեռնարկները,հայրենի հողի ու հավատի զորացման քայլերը:
Կարծիքներ