Հայաստանի վիճակագիրները արդեն սեփական ռեկորդներն են գերազանցում

Պաշտոնական վիճակագիրները շարունակում են գերազանցել իրենց իսկ սահմանած ռեկորդները: Օրինակ՝ երեկ ազգային վիճակագրական ծառայությունը հրապարակեց «Հայաստանի սոցիալական պատկերը եւ աղքատությունը» անվանումով զեկույցը, ըստ որի՝ 2014-ին աղքատության մակարդակը Հայաստանում կազմել է 30 տոկոս: Այսինքն՝ ԱՎԾ-ն փորձում է հանրությանը համոզել, թե իբր 2014-ին, 2013-ի համեմատ, աղքատության մակարդակը նվազել է: Վիճակագիրներին հավանաբար չեն բացատրել, որ աղքատության նվազելու համար անհրաժեշտ է, որ մարդկանց եկամուտները աճեն: Վերջին տարիներին Հայաստանում գներն անընդհատ բարձրանում են, իսկ եկամուտները եթե չեն նվազել, ապա լավագույն դեպքում նույն են մնացել: Ինչեւէ, նույնիսկ պաշտոնական վիճակագրության համաձայն՝ Հայաստանի բնակչությունից մոտ 900 հազարը ապրում է աղքատության պայմաններում: Սակայն նրանցից մոտ 100 հազարն ապրում է ծայրահեղ աղքատության պայմաններում, այսինքն՝ նրանց ամսական ծախսը 23 հազ դրամի սահմանը չի գերազանցում:

Կարդացեք «Ժողովուրդ» թերթի այսօրվա համարում: