Նազենի, ախր մեր պաշտոնյաները տկլոր են մնալու...

Նազենի Հովհաննիսյանը ֆեյսբուքյան իր էջում գրում է. «Մտանք Ավագ շաբաթ. լռելու ժամանակն է»:

Լավ բան է ասում: Բայց, չգիտեմ ինչու, այս անեկդոտն եմ հիշում.

Վարդանիկին ընկեր Մարգոն հրահանգում է.
- Վարդանիկ, մի ժամ որ լռես, քեզ հինգ կնշանակեմ:

Վարդանիկը մի քանի րոպե լռում է, հետո սկսում ձեռքով շարժումներ անել, դիմային միմիկայով ինչ որ բան հասկացնել: Ընկեր Մարգոն ուշադրություն չի դարձնում: Մի կես ժամ նույն վիճակն է: Աշակերտները հռհռում են: Վերջը ընկեր Մարգոն բարկանում է.

- Վարդանիկ, ի՞նչ է եղել:
- Արդեն ոչինչ,- ընկեր Մարգո,- Կամբինացիադ էր կախվել, ընկավ:

Հիմա մենք ենք:

Նազենի ջան, որ լռենք ու մեր տեսածը թաքցնենք, չարձագանքենք, մինչև Ավագ շաբաթը վերջանա, մեր պաշտոնյաները տկլոր են մնալու: Ազգովի կանգնելու ու հռհռալու ենք...

Մենք Վարդանիկն եք դարձել, իշխանությունն էլ՝ ընկեր Մարգոն:

... Բայց որ ասում ես, լռենք՝ փորձենք Վարդանիկի նման լռել:

Հասմիկ Բաբաջանյան