Երուսաղեմում կրկին հայ հոգևորականի վրա՞ են հարձակվել
Իսրայելի արտգործնախարար Իսրայել Կացը դատապարտել է Երուսաղեմում քրիստոնյա քահանայի վրա հարձակումը։
Կասկածներ կան, որ մայրաքաղաքի Հին քաղաքում երկու հրեաներ, որոնցից մեկը անչափահաս է, թքել են հոգեւորականի վրա և հայհոյանքներ հնչեցրել նրա հասցեին։
Իսրայելի ԱԳՆ ղեկավարը տեղի ունեցածն անվանել է «զզվելի երևույթ» և ընդգծել, որ դատապարտում է հրեաների կողմից ագրեսիայի ցանկացած ակտ այլ դավանանքների հետևորդների նկատմամբ։
«Իսրայելում բոլոր կրոններին երաշխավորված է պաշտամունքի ազատությունը», - ընդգծել է Կացը:
Փորձեցինք կապ հաստատել Իսրայելում մեր աղբյուրների հետ՝ իմանալու, արդյո՞ք խոսքը հայ հոգևորականի մասին է, թե՝ ոչ, քանի որ այդպիսի միջադեպեր բազմիցս են տեղի ունենում։
Առայժմ մեր հարցումներն անպատասխան են մնացել։
Կարծիքներ