Սա Բաքվի կանխամտածված քայլն է՝ ԼՂ հայերին էթնիկ զտումների ենթարկելու նպատակով․ Արարատ Միրզոյան

Սա Ադրբեջանի կողմից կանխամտածված գործողությունն էր՝ ընդդեմ ԼՂ հայ ժողովրդի և 2020 թ․ եռակողմ հայտարարությունների կոպիտ խախտմամբ։ Ռազմական լայնածավալ ագրեսիայի հետևանքով զոհվել է շուրջ 200, վիրավորվել 400 քաղաքացի, այդ թվում՝ երեխաներ, կանայք և ծերեր, կան անհետ կորածներ։

Այս մասին ՄԱԿ-ի ԱԽ արտահերթ նիստում հայտարարել է ՀՀ ԱԳ նախարար Արարատ Միրզոյանը։

Նկարագրելով ԼՂ-ում ստեղծված անմխիթար իրավիճակը, Միրզոյանը տեղեկացրել է, որ հարյուրավոր արցախցիներ մնացել են անօթևան ու փախստական, ենթարկվելով Արդբեջանի էթնիկ զտման քաղաքականությանը։

Միրզոյանը մատնանշել է Ադրբեջանի իրականացրած առանձնահատուկ վայրագությունները, այդ թվում՝ քաղաքացիական անձանց ու ենթակառուցվածքների թիրախավորումը, ղարաբաղի տղամարդկանց հատուկ ցուցակ կազմելը՝ հետագա պատժի ու կտտանքների նկատառոմով և այլ անմարդկային գործողությունները։

ՀՀ ԱԳ նախարարը հորդորել է միջազգային հանրությանը՝ առավել պատշաճ ուշադրություն դարձնել ԼՂ-ում ստեղված իրավիճակին, համարժեք պատասխանատվության ենթարկել Ադրբեջանին՝ անսալով ԼՂ հայության արդարացի պահանջին։