Ղազախստանում ՀՀ դեսպանության հայտարարությունը
Ստացված տեղեկությունների հաաձայն՝ սույն թվականի հունվարի մեկի գիշերը Կարագանդա քաղաքի «Հին Հռոմ» ռեստորանում հաճախորդների միջև կենցաղային հողի վրա տեղի ունեցած ծեծկռտուքի հետևանքով զոհվել է մի տղամարդ, երեքը՝ ստացել են վնասվածքներ։
Խորապես վշտացած ենք ողբերգալի դեպքի կապակցությամբ, որը մարդկային կյանք է խլել։ Մեր ցավակցություններն ենք հայտնում զոհվածի հարազատներին և բարեկամներին։
Վստահ ենք, որ հետաքննությունը կպարզի տեղի ունեցածի բոլոր հանգամանքները, բոլոր մեղավորները կգտնվեն և օրենքին համապատասխան պատիժ կկրեն։
Ղազախստանը բազմազգ պետություն է, որտեղ ավանդաբար իշխում է ազգամիջյան համաձայնությունը և էթնիկ փոքրամասնությունների նկատմամբ բացարձակ հանդուժողականությունը։
Հուսով ենք, որ ԶԼՄ-ները կհենվեն պաշտոնական աղբյուրների վրա և սոցցանցերում չեն տարածի չստուգված տեղեկություններ, որոնք կարող են դառնալ հասարակական կարծիքի մանիպուլյացիայի աղբյուր և այս ողբերգությանը ազգամիջյան երանգ հաղորդել։
Կարծիքներ