Ուկրաինայում ապամոնտաժել են իրենց մեծ հայրենակից Բրեժնևի կիսանդրին

Ուկրաինայի Դնեպրոպետրովսկի մարզի Կամենսկոյե քաղաքի իշխանությունները հասարակական ճնշման տակ, այնուամենայնիվ, կենտրոնական Սվոբոդա պողոտայից հանել են ԽՍՀՄ նախկին առաջնորդ Լեոնիդ Բրեժնևի կիսանդրին։ 

Այս քաղաքում ծնված նշանավոր ղեկավարի հուշարձանը նախատեսվում է տեղափոխել տեղի պատմական թանգարանի տարածք։

Ի դեպ, Կամենսկոյեում Բրեժնևի հուշարձանը ցմահ են համարում, պարզաբանում է Life-ը։ Այն տեղադրվել է 1976 թվականին։

Կիսանդրին համարվում էր քաղաքի տեսարժան վայրերից մեկը, ուստի իշխանությունները չեն քանդել այն դեկոմունիզացիայի արշավի ժամանակ։ 

«Հատուկ ռազմական գործողության» մեկնարկից հետո ակտիվիստները պահանջել են հանել կիսանդրին, սակայն քաղաքապետարանը նշել է, որ ապամոնտաժումը կպահանջի լրացուցիչ ֆինանսավորում, իսկ «ռազմական դրության ժամանակ քաղաքային բյուջեից ծախսերը հիմնականում ուղղվում են կարիքներին»։

Այսպիսով, Բրեժնևի կիսանդրին առ այսօր կանգուն է եղել հայրենի քաղաքի կենտրոնում։