Մոսկվան՝ ուկրաինական նախագահական ընտրությունների արդյունքների մասին
Ուկրաինայում կիրակի տեղի ունեցած նախագահական ընտրությունների երկրորդ փուլի ամենանախնական արդյունքները ցույց են տալիս, որ այդ երկրի քաղաքացիները քվեարկել են փոփոխությունների օգտին։ Այս մասին, ըստ lenta.ru-ի, հայտարարել է Ռուսաստանի ԱԳ նախարարությունը։ «Հիմա հերթը Ուկրաինայի նոր ղեկավարությանն է, որը պետք է հասկանալ եւ իրականացնի ընտրողների սպասումները եւ ներքին, եւ արտաքին քաղաքականության ոլորտներում»,- կարծում են ռուսական արտաքին քաղաքական գերատեսչությունում։ Հիշեցնենք, որ ամենից նախնական արդյունքներով, Ուկրաինայի նախագահական ընտրությունների երկրորդ փուլում 73 տոկոս ձայնով հաղթում է Վլադիմիր Զելենսկին։ Մոտ 25 տոկոս ձայն հավաքել է գործող նախագահ Պետրո Պորոշենկոն։ Նա արդեն ընդունել է իր պարտությունը, հայտարարել, որ պատրաստ է աջակցել Զելենսկուն եւ ասել, որ քաղաքականությունից չի հեռանալու։
Կարծիքներ