Թրամփի վարկանիշը աճել է, չնայած քննադատություններն էլ ավելի են սրվել

ԱՄՆ նախագահ Դոնալդ Թրամփի վարկանիշն աճել է, չնայած որ նա սուր քննադատության է ենթարկվում Ռուսաստանի նախագահ Վլադիմիր Պուտինի հետ հանդիպման պատճառով։



Այս մասին հայտնում է Wall Street Journal պարբերականը։



Պարբերականը գրում է՝ WSJ/NBC News-ի համատեղ սոցհարցումների արդյունքները ցույց են տվել, որ նախագահ Թրամփի գործունեությունից գոհ են ամերիկացիների 45%-ը, ինչը ողջ նախագահության ընթացքում ամենաբարձր ցուցանիշն է եւ 1 տոկոսով ավելին է, քան հունիս ամսին ունեցած վարկանիշը։



Նշվում է սակայն, որ հարցումն իրականացվել է հուլիսի 15-ին, այսինքն՝ մինչ Պուտինի հետ Թրամփի հանդիպումը։ Ընդ որում, հանրապետական ընտրողների աջակցությունը 88 տոկոս է։ Ի դեպ, նախկին նախագահներից միայն Ջորջ Բուշ-կրտսերն է այդքան բարձր ռեյտինգ ունեցել իր կուսակից ընտրողների մոտ։ 51 տոկոս հարցվածները խնդիր են տեսնում սահմանային եւ միգրացիոն քաղաքականության հետ, իսկ 58 տոկոսի համար անընդունելի է միգրանտների ընտանիքների մասնատումը։