«Հրապարակ»․ Կառավարության աշխատակազմից ոմանք մնալու են անգործ․ որոշողը Սերժ Սարգսյանն է

Վարչապետի նշանակվելուց հետո՝ 15-օրյա ժամկետում ձեւավորվելու է ապագա կառավարությունը: Կառավարության այս աշխատակազմը գործելու է մինչեւ նոր աշխատակազմի ստեղծումը, որն սպասարկելու է վարչապետին, առաջին փոխվարչապետին, փոխվարչապետներին եւ, ընդհանուր առմամբ՝ կառավարությանը, որպես կոլեգիալ մարմնի:



Սա նշանակում է, որ գործող աշխատակազմից ոմանք մնալու են անգործ: Մեր տեղեկություններով՝ Սերժ Սարգսյանը մտադիր է նախագահականի իր աշխատակազմի առանցքային դեմքերին տեղափոխել կառավարության աշխատակազմ, այդ թվում՝ խոսնակին, լրատվականի պետին, ռեֆերետներին:



Այդ պատճառով էլ Կարեն Կարապետյանի հայեցողական պաշտոններ զբաղեցնող թիմակիցներն արդեն աշխատանք են փնտրում, քանի որ ոչ բոլորը կմնան ապագա աշխատակազմում: Նրանց ապագայի մասով դեռ քննարկումներ չկան, սպասում են հիմնական դերակատարների վերադասավորմանը: