Դաղստանցի պաշտոնյաները կարող են մեկնել արտասահման միայն հատուկ թույլտվությամբ

Դաղստանցի պաշտոնյաները կարող են մեկնել արտասահման՝ իրենց մեկնումը ռեգիոնի ղեկավարի հետ համաձայնեցնելուց հետո միայն, հայտնում է РИА Новости-ն՝ հղում կատարելով հանրապետության կառավարությունում իր աղբյուրին:



Ավելի վաղ ԶԼՄ-ներում տեղեկատվություն էր հայտնվել այն մասին, որ բոլոր մակարդակների դաղստանցի պատոնյաներին արգելվել է մեկնել հանրապետությունից: Նշվում էր, որ այդ սահմանափակումը կգործի, քանի դեռ Դաղստանում աշխատում է Մոսկվայից նշանակված հակակոռուպցիոն հատուկ հանձնաժողովը:



Հիշեցնենք, որ հյուսիսկովկասյան այդ հանրապետությունում, որը հայտնի է որպես ռուսասական ամենաաղքատ ռեգիոններից մեկը, աշխատում է մոսկվայից ժամանած ուժայինների հատուկ հանձնաժողովը: Այդ ընթացքում կոռուպցիայի մեղադրանքով ձերբակալվել է Դաղստանի կառավարության ղեկավարությունը: Նրանց մեղադրանք է առաջադրվել բյուջետային միջոցների հափշտակության համար: Գումարը կազմում է մոտ 95 միլիոն ռուբլի:



Նախօրեին Մոսկվայի դատարանը ձերբակալված նախկին վարչապետի պաշտոնակատարի, նրա երկու տեղակալների և կրթության նախկին նախարարի նկատմամբ կալանավորման որոշում է կայացրել: