«Կրեմլի ցուցակի» գործարարներն արդեն զգում են ԱՄՆ զեկույցի ազդեցությունը

Ռուսաստանցի գործարարներն արդեն նկատում են, որ ԱՄՆ «կրեմլի ցուցակի» հրապարակումից հետո իրենց գուծունեությանն սկսել են ավելի մեծ ուշադրությամբ հետևել, հայտնում է Bloomberg-ը:



Այսպես, ցուցակի մի անանուն գործարար նշել է, որ ավարտին հասցվող իր գործարքներից մեկը կարող է ձախողվել: Մեկ այլ գործարար էլ նշել է, որ ցուցակը հարաված է հասցրել իր հեղինակությանը:



Գործակալության աղբյուրները ընդգծել են, որ զեկույցի հրապարակումից հետո բանկերն սկսել են ավելի մանրազնին հետևել ցուցակում ընդգրկված գործարարների տրանզիտային արժեթղթերին:



Ավելի վաղ Կրեմլը խոստացել էր «կրեմլի ցուցակին» պատասխանել, երբ ժամանակը գա: