Սնուպ Դոգն ուզել է վարձել Լիխտենշտեյնը
hraparak
13 Հուլիս 2010 | 08:52
0
Ամերիկյան ռեպեր և դերասան Սնուպ Դոգը իր հերթական տեսահոլովակի համար փորձել է վարձակալել մի ամբողջ եվրոպական երկիր` Լիխտենշտեյնի իշխանապետությունը, գրում է բրիտանական Mirror-ը: "Սնուպին տեսահոլովակի համար անհրաժեշտ է եղել տպավորիչ հետին պլան, և նա որոշել է վարձել մի ամբողջ պետություն",- նկատում է պարբերականը:Նյութում ասվում է, որ հարցումը խիստ զարմացրել է երկրի իշխանություններին, մի երկրի, որի մակերեսը կազմում է ընդամենը Շվեյցարիայի ու Ավստրիայի արանքում "խցկված" 160 քառակուսի կմ: Տեղական անշարժ գույքի գործակալության աշխատակից Կարլ Շվարցլերը թերթին պատմել է, որ նախկինում իրենց ընկերությունը ստացել է Լիխտենշտեյնի դղյակների և գյուղերի վարձակալության պատվերներ, բայց ոչ երբեք` ամբողջ պետության:
Տեսականորեն վարձակալումը կարող էր հնարավոր դառնալ, ավելացրել է նա, բայց գործարքը ձախողվել է այն պատճառով, որ Սնուպի կառավարիչները գործակալությանը բավական ժամանակ չեն տրամադրել:
Կարծիքներ