Պատմվածք գեյի մասին (3-րդ մաս)
- Ասացի վաղը հանդիպենք, ինչի՞ ստիպեցիր, որ գամ:
- Կարոտել էի:
- Ես էլ էի կարոտել, բայց դե գործ ունեի:
- Ի՞նչ գործ:
- Կարեւոր չի:
- Դե լավ, արի մոտս, կարոտել եմ:
Արամն առաջացավ դեպի Արթուրը: Նրանք համբուրվեցին: Այնքան անկեղծ ու մաքուր էր նրանց համբույրը, որ նույնիսկ գեղեցիկ կարող էր թվալ, եթե չտեսնեիր, որ զույգը միասեռ է: Արթուրը ձեռքը սահեցրեց Արամի մեջքով, սողոսկեց վերնաշապիկի տակ: Արամն ամբողջ մաշկով փշաքաղվեց, մեկ էլ հանկարծ թափով հրեց Արթուրին:
- Ձայն լսվեց:
- Ի՞նչ ձայն:
- Չգիտեմ, բայց ոնց որ ստեղ մեկը կա:
- Մարդ էլ չկա, պետք չի էդքան լարվել, թուլացի:
Արթուրը գրկեց Արամին, վերջինս հայացքը չորս կողմն էր պտտում: Արթուրը սկսեց համբուրել նրա պարանոցը: Արամը նորից հրեց նրան:
- Պետք չի ռիսկի դիմել, արի գնանք ստեղից:
- Ո՞ւր գնանք, մենք չենք կարող իրար հետ կլուբ մտնել, պիտի դրսում հանդիպենք:
- Լսի, սա երկար չի կարող շարունակվել, մի օր մեզ կտեսնեն, ու խայտառակ կլինենք:
- Դու ամաչում ես ինքդ քեզնի՞ց:
- Չէ, բայց մենք չենք կարող արհամարհել հասարակության կարծիքը:
- Ես թքած ունեմ էդ կարծիքի վրա:
- Խաբում ես, եթե դու խոսում ես այդ մասին, նշանակում է թքած չունես:
- Մենք մի շաբաթ իրար չենք տեսել, հիմա ուզում ես, որ էսքանով բավարարվե՞մ:
- Իսկ դու ուզում ես, որ բռնվենք ու էլ իրար չտեսնե՞նք:
- Լավ, մի լարվի, կյանքս: Ես մի բան կմտածեմ:
- Ի՞նչ պիտի մտածես:
- Չգիտեմ, բայց ես էլ առանց քեզ չեմ դիմանում: Դու ինձ կապել ես քեզ:
- Գիտես, ես մեկ-մեկ ափսոսում եմ, որ հանդիպել եմ քեզ, կարող է ես աղջկա սիրեի, եթե դու...
- Ես ի՞նչ: Ուզում ես ասես՝ ես քեզ գոմիկ դարձրի՞:
- Ձենդ կտրի, էլ չեմ ուզում էս թեմայով խոսանք: Արի գնանք ստեղից:
Տղաները դուրս եկան ծառերի միջով եւ միասին քայլեցին մինչեւ այգու երեւացող հատվածը: Պայմանավորվեցին, որ վաղը նորից կհանդիպեն, բայց՝ սրճարանում:
շարունակելի
© Հրապարակ օրաթերթ
Կարծիքներ