Ծտի պես սառում ենք, ու՞ր է մաքսաթաթախ գազի էժան բոցը
Ծտի պես սառում ենք, ու՞ր է մաքսաթաթախ գազի էժան բոցը Ճպուռի օրն ընկավ մեր իշխանությունը: Ձմեռը եկավ. եվրոմիություն, մաքսային միություն, պայծառ օրեր, սեղան, օթյակ պրծան, որովհետև մին էլ ըհը՜ ձյուն եկավ, թևերը փռեց էժան գազ ստացող Հայաստանի վրա: Ցուրտը տարավ ոտ ու ձեռք, ու ինչպես Թումանյանն է ասում, զընգր-զընգր դողալով, ծանր-ծանր սողալով, մնում է նախագահին հարցնել՝ ու՞ր է գազը, մրսում ենք, ծտի պես սառում ենք, ու՞ր է մաքսաթաթախ գազի էժան բոցը: Ասում էիք, որ Ռուսաստանը մեզ չի թողնի ցրտից, սովից սատկենք, հիմա էս ի՞նչ է: Ասենք նախագահն էլ /հավանականության տոկոսն ինքներդ որոշեք/ էս ցրտից սրթսրթացող ժողովրդի մասին մտածեց ու դիմեց Պուտինին.
- Գլխիդ մատաղ,
Սանամե՛ր, Մի ճա՛ր արա
Ժողովրդի
Բողոքներից
Պրծնեմ:
Մի բան արա,
Դուրս չգան
Ու պահանջեն՝
Հեռանալ:
Պուտինն էլ կասի.
-Պարտք էիր անու՞մ...
Շատ բարի,
Այժմ էլ բռնի Վեր-վերի,
Քամին ծափ տա,
Դու պարի՛:
ՀԱՍՄԻԿ ԲԱԲԱՋԱՆՅԱՆ
Կարծիքներ