Րաֆֆի Հովհաննիսյանը որոշել է հոբելյանը նշել Արցախում
![Րաֆֆի Հովհաննիսյանը որոշել է հոբելյանը նշել Արցախում](https://hraparak.am/uploads/images/2599f37778b0f66e86a349ee584de27a.jpg)
Ռազմավարական եւ ազգային հետազոտությունների հայկական կենտրոնի (ՌԱՀՀԿ) հիմնադիր տնօրեն Րաֆֆի Կ. Հովհաննիսյանն հայտարարել է, որ Կենտրոնի 20-ամյակի կապակցությամբ նախատեսված է միջոցառումների շարք, որոնք կանցկացվեն Հայաստանում, Արցախում եւ Սփյուռքում:
Առաջին հոբելյանական ձեռնարկը տեղի կունենա Արցախի Հանրապետության բերդաքաղաք Շուշիում: Սեպտեմբերի 3-ին «Ավան Շուշի Պլազա» հյուրանոցի նիստերի դահլիճում կկայանա «Լեռնային Ղարաբաղի Հանրապետության հիմնախնդիրը միջազգային հարաբերությունների սաստկացման պայմաններում» թեմայով խորհրդաժողով՝ հայաստանցի եւ արցախցի քաղաքագետների, վերլուծաբանների ու քաղաքական գործիչների մասնակցությամբ: (Նախնական օրակարգը տեսեք այստեղ): Խորհրդաժողովը կանցկացվի ՌԱՀՀԿ-ի եւ Արցախի Արտաքին քաղաքականության ու անվտանգության հանրային խորհրդի համատեղ ջանքերով եւ Թուֆենկյան հիմնադրամի օժանդակությամբ:
Հոկտեմբերին Ռազմավարական եւ ազգային հետազոտությունների հայկական կենտրոնը հոբելյանական իր միջոցառումները կշարունակի Երեւանում, այնուհետեւ Սփյուռքի համայնքներում:
Ռազմավարական եւ ազգային հետազոտությունների հայկական կենտրոնի
եւ Արցախի Արտաքին քաղաքականության ու անվտանգության հանրային խորհրդի համատեղ խորհրդաժողով
Թեմա՝ «Լեռնային Ղարաբաղի Հանրապետության հիմնախնդիրը միջազգային հարաբերությունների սաստկացման պայմաններում»
Չորեքշաբթի, 3 սեպտեմբերի 2014
Ժամը 10:30-ին
Շուշի, Արցախի Հանրապետություն
Օրակարգ
10.30 – Խորհրդաժողովի մասնակիցների ու հյուրերի ժամանում եւ գրանցում
11.00 - Բացման խոսք՝ Րաֆֆի Կ. Հովհաննիսյան, ՌԱՀՀԿ հիմնադիր տնօրեն
11:10 – Ողջույնի խոսք՝ Մասիս Մայիլյան, FsPc նախագահ (Արցախ)
11:20 - «Արեւմուտքի եւ Ռուսաստանի դիմակայությունը Ուկրաինայում. միջազգային իրավաքաղաքական ճգնաժա՞մ, թե՞ նոր «սառը պատերազմ»: Զեկուցող՝ Սարո Սարոյան, քաղաքագետ
11.40 - «Հարավային Կովկասում Ռուսաստանի վարած նոր քաղաքականությունը. Ադրբեջանի զինումը եւ Հայաստանի մեկուսացումը»: Զեկուցող՝ Մանվել Սարգսյան, ՌԱՀՀԿ գիտահետազոտական մասի տնօրեն
12.00 – «Հայաստանի քաղաքական հրամայականները»: Զեկուցող՝ Զարուհի Փոստանջյան, ՀՀ Ազգային ժողովի պատգամավոր
12.20 – Սուրճի ընդմիջում
12.40 – «Հարավկովկասյան տարածաշրջանում արտաքին ուժերի ներկայության հիմնախնդիրը. անվտանգությո՞ւն, թե սպառնալիք»: Զեկուցող՝ Արտակ Բեգլարյան, ԼՂՀ վարչապետի մամլո խոսնակ, քաղաքագետ
13.00 - Հարց ու պատասխան
13.30 – Ճաշի ընդմիջում
14.30 – «ԼՂՀ ճանաչման հարցի անվտանգության համատեքստը»: Զեկուցող՝ Հովսեփ Խուրշուդյան, քաղաքագետ
14.50 - «Ստատուս-քվոն Արցախում եւ առաջնագծի խնդիրները»: Զեկուցող՝ Հայկ Խանումյան, միջազգայնագետ
15.10 - «Միացումը որպես ինքնորոշում»: Զեկուցող՝ Արմեն Գրիգորյան, քաղաքագետ
15.30 - «Թուրքիան եւ Իրանը: Հարավային Կովկասում ուժերի հավասարակշռության համակարգում այդ երկրների դերը»: Զեկուցող՝ Տիգրան Գրիգորյան, քաղաքագետ
15.50 – Քննարկում
16.30 – Փակում
17.00 – Պաշտոնական ընդունելություն ՌԱՀՀԿ 20-րդ տարեդարձի առթիվ
Լրացուցիչ տեղեկությունների համար կարող եք դիմել ՌԱՀՀԿ` Երեւան, Երզնկյան 75, հեռախոս` (37410) 528-780 կամ 274-818, հեռապատճեն` (37410) 52-48-46, էլ. փոստ` [email protected], կայքէջ` www.acnis.am
Կարծիքներ