Նիկոլը Կոստանյանին «բեջուռա կենդանի» չի անվանել…

Բոլորովին այլ բան է, եթե Նիկոլ Փաշինյանը գլխավոր դատախազ Գևորգ Կոստանյանին անվաներ «բեջուռա կենդանի»: Նման պարագայում անձը վիրավորելու համար գլխավոր դատախազը գիտեր, թե ինչ կպահանջեր Նիկոլից:

Շատ կայքեր, տեղադրելով տեսանյութը, հենց այսպիսի վերտառությամբ էլ վերնագրել են՝ «Նիկոլ Փաշինյանը գլխավոր դատախազին անվանել է «բեջուռա կենդանի»:

Բայց, արդյո՞ք, նման բան ասել է Նիկոլը, փորձենք նույնությամբ վերարտադրել Նիկոլ Փաշինյանի ասածը.

«Ով- ով, բայց հայ հանրությունը լավ գիտի, թե ժողովրդական լեզվով ասած ինչ «բեջուռա կենդանի» է Գևորգ Կոստանյանական- Աղվան Հովսեփյանական իրավաբանությունը»:

Խոսքը վարած մասնագիտական գործունեության մասին է և ոչ թե անձերի:

ՀԳ Բայց արդյո՞ք այդ իրավաբանությունը Գևորգ Կոստանյանական- Աղվան Հովսեփյանական է, շատ չի՞ մեծացնում Նիկոլը նրանց դերը՝ տերևներին տեղ տալով ու արմատն անտեսելով…

Հասմիկ ԲԱԲԱՋԱՆՅԱՆ