Իսրայելում նշում են Յոմ Կիպուրի տոնը
Իսրայելում մեկնարկել են Յոմ Կիպուրի կամ Դատաստանի օրվա տոնակատարությունները, որի հետ կապված ուժեղացվել են անվտանգության միջոցառումները երկրի ողջ տարածքում: Այս օրերին երկիրը, որքան էլ զարմանալի հնչի, կտրվել է արտաքին աշխարհից եւ տրամադրվել տոնական մթնոլորտին: Տոնի ընթացքում փակ են մաքսակետերը, սահմանային անցակետերը, ինչպես նաեւ հայտարարված է կրակի բացարձակ դադարեցում: Չի գործում տրանսպորտը եւ բոլոր տեսակի ձեռնարկություններն ու օբյեկտները: Ուշագրավ է, որ այս տարի տոնի օրը դադարեցվել է նաեւ հեռուստատեսային եւ ռադիո հեռարձակումը: Մի ամբողջ օր Իսրայելը կանցկացնի մտորումների եւ աղոթքների մեջ, քանի որ, ըստ հուդայական ավանդության, Յոմ Կիպուրը խորհրդանշում է Դատաստանը եւ այդ օրը ամենալավ առիթն է մարդկանց ինքնաքննությամբ զբաղվելու համար:
Կարծիքներ