Երկնքից լույս իջավ, ծիածանի տակ կանգնած էր Արգամ Աբրահամյանը (տեսանյութ)

Այսօր՝ Կառավարության հերթական նիստին զուգահեռ, բակում բողոքի ակցիա էր տեղի ունենում: Բողոքավորների կողքին մշտապես ՀՀԿ տատիկն է: Նա ամեն դուրս եկող պաշտոնյային փորձում է մոտենալ, խոսել, գովերգում է նախագահին, նախկին եւ ներկա վարչապետին: 

ՀՀԿ տատին անցած ուրբաթ օրը, ինչպես ինքն է ներկայացնում, «սուրբ» երազ է տեսել, որտեղ գլխավոր դերակատարը նախկին վարչապետ Հովիկ Աբրահամյանն է եղել. «Արտաշատի ռայոնը խավար վիճակում էր, կանգնած էի բազմության մեջ, հանկարծ երկնքից լույս իջավ, ծիածան կանգնեց եւ ծիածանի տակ կանգնած էր մի մարդ բեժ գույնի հասարակ կաստյում-շալվարով, ծիածանի տակ կանգնած էր Աբրահամյան Արգամը: Մանանա էր թափված երկնքից, ժողովուրդը կռացել, հավաքում էր, այդ կանգնած մարդը ասեց՝ թող հավաքեն: Բոլորդ ձեր ձայնը տվեք մատղաշ, անմեղ դեմքով Աբրահամյան Արգամին»։

Մանրամասները՝ տեսանյութում