Մոսկվան նոր տեղեկություններ ունի Իդլիբի քիմիական հարձակման վերաբերյալ.Դմիտրի Պեսկով

Ռուսաստանը ունի նոր տեղեկություններ Սիրիայի Իդլիբի նահանգում տեղի ունեցած ենթադրյալ քիմիական հարձակման մասին: Այս մասին հայտարարել է Կրեմլի խոսնակ Դմիտրի Պեսկովը: Ինչպես հայտնում է ՌԻԱ Նովոստի լրատվական գործակալությունը, տեղեկությունները ձեռք է բերվել Սիրիայում ռուսական ռազմական հավաքակազմի կողմից եւ ավելի շատ տվյալներ է պարունակում, քան մինչ այս ներկայացվածները կամ քննարկվածները: Ըստ Կրեմլի խոսնակի՝ ունեցած տեղեկությունները ամրապնդում են Կրեմլի տեսակետը, որ անհրաժեշտ է իրականացնել հետաքննություն քիմիական զենքի կիրառման փաստի առնչությամբ եւ բացահայտել ճշմարտությունն ամբողջությամբ: