Ռուսները սկսել են Թրամփին թշնամաբար վերաբերվել Սիրիայի հարվածից հետո

Ռուսները սկսել են ԱՄՆ նախագահ Դոնալդ Թրամփին թշնամաբար վերաբերվել այն բանից հետո, երբ վերջինս Սիրիայում հրթիռային հարված հասցնելու հրաման է արձակել: Այս մասին հայտնում է ՌԻԱ Նովոստի լրատվական գործակալությունըշ՝ վկայակոչելով համառուսաստանյան հանրային կարծիքի ուսումնասիրության կենտրոնի հրապարակած տվյալները: Ըստ հրապարակած տվյալների, Թրամփի հանդեպ բացասական վերաբերմունք են արտահայտել հարցվածների 39% այն դեպքում, երբ մեկ ամիս առաջ Թրամփի հանդեպ բացասական վերաբերմունք ունեին ռուսաստանցիների 7%-ը։ Միեւնույն ժամանակ, եթե մեկ ամիս առաջ Թրամփի հանդեպ դրական էին արտահայտվում ռուսաստանցիների 38%-ը, ապա այժմ այդ թիվը նվազել է՝ հասնելով 13%-ի: Նշենք նաեւ, որ ռուսաստանցիների երեսուն տոկոսը հնարավոր է համարում ամերիկացիների հետ պատերազմի հավանականությունը։