Զանգեզուրի միջանցքը ռազմավարական նախագիծ է․ Էլչին Ամիրբեկով
Զանգեզուրի միջանցքը ռազմավարական նախագիծ է, որը հզոր ազդակ կհաղորդի համաշխարհային առևտրին»: Այդ մասին ասել է Ադրբեջանի նախագահի հատուկ հանձնարարությունների գծով ներկայացուցիչ, դեսպան Էլչին Ամիրբեկովը՝ իտալական In Terris-ին տված հարցազրույցում
«Սա տրանսպորտային կապ կապահովի Ադրբեջանի և նրա անկլավ Նախիջևանի միջև։ Ըստ էության, ոչ միայն կապող օղակ է Ադրբեջանի և Հայաստանի կամ տարածաշրջանի երկրների միջև, միևնույն ժամանակ, ավելի լայն իմաստով, կարող է այլընտրանքային ճանապարհ դառնալ՝ միացնելով Ասիան Եվրոպայի հետ»,- ասել է Ամիրբեկովը։
Նրա խոսքով՝ եթե Երևանին դուր չի գալիս «միջանցք» ձևակերպումը, ապա կարելի է օգտագործել այնպիսի տերմիններ, ինչպիսիք են «երթևեկությունը», «ճանապարհը», «խաչմերուկը»։
«Եթե Հայաստանը չկատարի այդ հարցով իր ստանձնած պարտավորությունները, մենք, ըստ էության, ունենք այլընտրանքային տարբերակ։ Իրանի տարածքով երկաթուղային և ավտոմոբիլային տրանսպորտով Ադրբեջանի հիմնական հատվածը Նախիջևանի Ինքնավար Հանրապետության հետ կապելու նախագիծը կիրականացվի սեղմ ժամկետներում: Իսկ Հայաստանը կմնա տարածաշրջանային փակուղու իր դիրքում, և դա կլինի հենց հայերի ընտրությունը»։
Կարծիքներ