Տոկաեւը հունվարի 10-ը Ղազախստանում համազգային սուգ է հայտարարել

Ղազախստանի նախագահ Կասիմ-Ժոմարտ Տոկաեւը հունվարի 10-ը հանրապետությունում համազգային սգո օր է հայտարարել։ Այս մասին շաբաթ օրը հայտարարել է Տոկաեւի մամուլի քարտուղար Բերիկ Ուալին, փոխանցում է ՏԱՍՍ-ը։

«Երկրի մի շարք շրջաններում ողբերգական իրադարձությունների հետեւանքով բազմաթիվ մարդկային զոհերի կապակցությամբ Ղազախստանի նախագահ Կասիմ-Ժոմարտ Տոկաեւը որոշել է 2022 թվականի հունվարի 10-ը համազգային սգո օր հայտարարել։ Համապատասխան հրամանագիրը կհրապարակվի Ակորդայի կայքում»,- ֆեյսբուքյան իր էջին գրել է Ուալին։