Ցանցահենները հարձակվել են աշխարհի ամենախոշոր բանկերից մեկի վրա եւ պահանջել փրկագին 

Միացյալ Նահանգներում Չինաստանի ամենախոշոր՝ Industrial and Commercial Bank of China (ICBC) բանկի մասնաճյուղը ենթարկվել է ցանցահենային հարձակման։ Ցանցահենները նաեւ պահանջել են փրկագին։ Համաձայն առկա տեղեկությունների, ցանցահենները գաղտնագրել են բանկի համակարգը եւ պահանջել փրկագին՝ ապագաղտնագրման համար, ինչով խաթարվել է ամերիկյան պետական արժեթղթերի հետ իրականացվող գործառնությունը։

Չնայած միջադեպին, ICBC-ն բարեհաջող կարողացել է ավարտին հասցնել ամերիկյան պետական արժեթղթերի եւ ռեպո-ֆինանսավորման հետ կապված գործառնոեւթյունները։ Մասնագետները նշել են, որ հարձակումը սահմանափակ ազդեցություն է ունեցել շուկայի վրա։ Նշվում է, որ հարձակման հետեւում կանգնած է Lockbit ցանցահենային խմբավորումը։