Լեցուն տրիբունաները մեզ վրա չեն ազդի․ մենք մեր պլանն ունենք․ Սպերցյան

ՈՒԵՖԱ Եվրոպայի 2024 թվականի առաջնության որակավորման խմբային փուլի Թուրքիա-Հայաստան հանդիպմանն ընդառաջ՝ «Յենի Էսքիշեհիր» մարզադաշտի մամուլի ասուլիսների սրահում Հայաստանի ազգային հավաքականի ու «Կրասնոդարի» կիսապաշտպան Էդուարդ Սպերցյանը անդրադարձել է այսօր կայանալիք խաղին։

«Բոլորս էլ գիտենք, թե որքան կարևոր խաղ է սա մեզ համար։ Մենք հիմա երկրորդ հորիզոնականում ենք ու մրցաշարային տեսանկյունից նույնպես մեզ համար կարևոր է։ Վերջում կտեսնենք, թե ուր ենք մենք հասել։ Մեզ մնացել է 5 խաղ և ամեն խաղ եզրափակիչի նման է։ Սպասենք խմբային փուլի վերջին ու կտեսնենք, թե ինչպես կստացվի»,- ասել  է Սպերցյանը։

«Ընդհանրապես ֆուտբոլիստները սիրում են խաղալ լեփ-լեցուն տրիբունաներով, բայց կարծում եմ, որ մեզ վրա չեն ազդի  լեցուն տրիբունաները, քանի որ մենք ունենք մեր պլանը»,-ասաց Սպերցյանը։