Ձեզ հայելու մեջ նայեք

Իրանի Իսլամական Հանրապետության արտգործ նախարար Մանուչեհր Մոթթակին ամերիկացի պաշտոնյաներին խորհուրդ է տալիս հայտարարություններ անելուց առաջ հայելու մեջ նայել իրենց: Արձագանքելով Իրանի ռազմական քաղաքականության վերաբերյալ Բարաք Օբամայի հայտարարությանը՝ Մոթթակին ասել է, որ Միացյալ Նահանգների ռազմական միջամտությունը աշխարհում ռեկորդային թիվ է կազմում պատմության ողջ ընթացքում: «Երբ որեւէ մեկին հարցնեք, թե ով է ամենից շատ ռազմական միջամտություններ թույլ տալիս, նույնիսկ դպրոցական երեխան կպատասխանի՝ ԱՄՆ-ը»,- հայտարարել է Իրանի արտգործ նախարարը: