«Նոր սկսվող գործընթացը ապացուցում է լայնածավալ ճնշումներ գործադրելու միտումը»
hraparak
19 Նոյեմբեր 2012 | 14:16
0
ՀՀ նախկին արտգործնախարար, ԲՀԿ-ական պատգամավոր, «Սիվիլիթաս» հիմնադրամի նախագահ Վարդան Օսկանյանի գրասենյակը տարածել է հայտարարություն, որում ասված է. «Այսօր` նոյեմբերի 19-ին Սիվիլիթաս հիմնադրամի հիմնադիր Վարդան Օսկանյանը հերթական անգամ հրավիրվել է ՀՀ ԿԱ ԱԱԾ, այս անգամ տեղեկացվելու, որ հիմնադրամի կողմից դեռևս 2009թ. իրականացրած ծրագրերից մեկի մասով փորձաքննություն է նշանակվել : Այս կերպ, «փողերի լվացման» հատկանիշներով հարուցված քրեական գործով Վարդան Օսկանյանին մեղադրելուց հետո, իրավապահները փորձում են անցում կատարել արդեն հիմնադրամի բուն գործունեությանը` ուժեղացնելով ճնշումը ինչպես հիմնադրամի ներկա, այնպես էլ նախկին աշխատակիցների նկատմամբ:Մասնավորապես հարցաքննության է հրավիրվել հիմնադրամի նախկին աշխատակիցներից մեկը, ով արդեն տևական ժամանակ բնակվում է ԱՄՆ-ում: Ինչպես արդեն տեղեկացրել էինք, ծրագիրը, որը հայտնվել է ԱԱԾ-ի ուշադրության կենտրոնում, վերաբերվում էր ՀՀ սահմանամերձ շրջաններում ջրամատակարարմանը:
Նոր սկսվող գործընթացը ևս մեկ ապացույցն է մեր այն պնդումների, որ «փողերի լվացման» հատկանիշներով հարուցված քրեական գործը զուտ պատրվակ էր Սիվիլիթաս հիմնադրամի եւ Վարդան Օսկանյանի նկատմամբ լայնածավալ ճնշումներ գործադրելու համար», - ասված է գրասենյակի տարածած հաղորդագրության մեջ»:
Կարծիքներ