Արգամիչին զարմացնում են ընդդիմադիրների «դատարկ, սուտ» ելույթները
Ազգային ժողովի նիստերին, երբ ամբիոնին են մոտենում ընդդիմադիր պատգամավորները, ԱԺ խոսնակ Հովիկ Աբրահամյանը նկատելիորեն ուրախանում է, իսկ երբ սկսում են խոսել, անթաքույց հրճվում է:
Թե ընդդիմադիրների ելույթներն ինչու են այդպես զվարճացնում Արգամիչին, որ ի զորու չի լինում զսպել հրճվանքը, երեկ փորձեցինք պարզել հենց իրենից՝ ԱԺ-ում հրավիրած ասուլիսի ժամանակ: Նա էլ իրեն բնորոշ անկեղծությամբ խոստովանեց պատճառը: «Դատարկ խոսակցություններ են, դատարկ բաներ են խոսում, սուտ, անհիմն .... այ, դրանից զարմանում եմ»,-պատասխանեց խոսքի վարպետ, բացարձակ ճշմարտությունների կողմնակից Հովիկ Աբրահամյանը: Խորհրդարանի ղեկավարի այս գնահատականը փոխանցեցինք «Ժառանգության» պատգամավոր Ռուբիկ Հակոբյանին: Նա ասաց. «Ես կասկածում եմ, որ ԱԺ նախագահը նման գնահատականներ տված լինի, բայց ես կուզեմ, որ Հովիկ Աբրահամյանը հարգի այդ պաշտոնը, եւ այդ պաշտոնի ներկայացուցիչն իրավունք չունի այդ խոսքերով բնորոշել ընդդիմության ելույթները»:
ԻՇԽԱՆՈՒԹՅԱՆ ՈՂՋԱՄԻՏ ԱՌԱՋԱՐԿԸ «ԺԱՌԱՆԳՈՒԹՅԱՆ» ՀԱՄԱՐ ԱՆԸՆԴՈՒՆԵԼԻ Է
Երկրի հետընտրական իրավիճակով «մտահոգված» ԱԺ խոսնակը երեկ անդրադարձավ նաեւ «Ժառանգության» ողջամիտ առաջարկներին: Սերժ Սարգսյանին ուղղված Րաֆֆի Հովհաննիսյանի առաջարկներն այն մասին, որ ճանաչեն իր հաղթանակը կամ խորհրդարանական նոր ընտրություններ կազմակերպեն, Հովիկ Աբրահամյանը ողջամիտ չի համարում: Ըստ նրա՝ ողջամիտ կլինի այն, որ «Ժառանգությունը» մաս կազմի կառավարությանը: Սակայն սա անընդունելի է «ժառանգականների» համար, քանի որ այս խորհրդարանի պայմաններում, երբ հրահանգներ են կատարում, կարող են դեմ քվեարկել իրենց կողմից ներկայացված ցանկացած օրինագծի` այդպիսով տապալելով իրենց բարեփոխումների ծրագիրը: Այս կարծիքին է «Ժառանգության» փոխնախագահ Արմեն Մարտիրոսյանը, իսկ ԱԺ «Ժառանգություն» խմբակցության ղեկավար Ռուբիկ Հակոբյանը կարծում է, որ իրենց առաջարկներն արդեն ողջամիտ են, եւ ընդամենը քաղաքական ճաշակի հարց է:
Ի՞նչ հնարավոր հանգուցալուծում կարող է լինել, հարցրինք Հակոբյանին: «Պետությունը հայտնվել է ծանրագույն իրավիճակում ընտրությունները կեղծելու առումով, եւ ինչ որ կատարվում է, սրա հետեւանք է: Եվ պետք է կարողանալ ճիշտ գնահատել այս պահը ու ինչ-որ տեղ նաեւ փոխադարձ լուծումներով կարողանալ պետությունը դուրս բերել այս վիճակից: Պետք է ասել, որ այն, ինչ իրենք ասում են՝ խելամիտ, ողջամիտ լուծում չէ, եւ ստիպված մենք էլ համարժեք քայլեր պիտի ձեռնարկենք ի պատասխան իրենց»: Քայլեր ասվածն էլ դեռեւս դրսեւորվում է հանրահավաքներով, մինչեւ որ դե յուրե ու դե ֆակտո իշխանության վերնախավում կարողանան փոխադարձ լուծումներ գտնել իրավիճակից դուրս գալու համար: Իսկ մինչ այս, Արգամիչը հայտարարեց, որ իրենք ընդդիմադիրների հանրահավաքները ցրելու անօրինական քայլերի չեն դիմի, օրինակ՝ բանակի կամ ուժային կառույցների մասնակցությամբ:
Թե ընդդիմադիրների ելույթներն ինչու են այդպես զվարճացնում Արգամիչին, որ ի զորու չի լինում զսպել հրճվանքը, երեկ փորձեցինք պարզել հենց իրենից՝ ԱԺ-ում հրավիրած ասուլիսի ժամանակ: Նա էլ իրեն բնորոշ անկեղծությամբ խոստովանեց պատճառը: «Դատարկ խոսակցություններ են, դատարկ բաներ են խոսում, սուտ, անհիմն .... այ, դրանից զարմանում եմ»,-պատասխանեց խոսքի վարպետ, բացարձակ ճշմարտությունների կողմնակից Հովիկ Աբրահամյանը: Խորհրդարանի ղեկավարի այս գնահատականը փոխանցեցինք «Ժառանգության» պատգամավոր Ռուբիկ Հակոբյանին: Նա ասաց. «Ես կասկածում եմ, որ ԱԺ նախագահը նման գնահատականներ տված լինի, բայց ես կուզեմ, որ Հովիկ Աբրահամյանը հարգի այդ պաշտոնը, եւ այդ պաշտոնի ներկայացուցիչն իրավունք չունի այդ խոսքերով բնորոշել ընդդիմության ելույթները»:
ԻՇԽԱՆՈՒԹՅԱՆ ՈՂՋԱՄԻՏ ԱՌԱՋԱՐԿԸ «ԺԱՌԱՆԳՈՒԹՅԱՆ» ՀԱՄԱՐ ԱՆԸՆԴՈՒՆԵԼԻ Է
Երկրի հետընտրական իրավիճակով «մտահոգված» ԱԺ խոսնակը երեկ անդրադարձավ նաեւ «Ժառանգության» ողջամիտ առաջարկներին: Սերժ Սարգսյանին ուղղված Րաֆֆի Հովհաննիսյանի առաջարկներն այն մասին, որ ճանաչեն իր հաղթանակը կամ խորհրդարանական նոր ընտրություններ կազմակերպեն, Հովիկ Աբրահամյանը ողջամիտ չի համարում: Ըստ նրա՝ ողջամիտ կլինի այն, որ «Ժառանգությունը» մաս կազմի կառավարությանը: Սակայն սա անընդունելի է «ժառանգականների» համար, քանի որ այս խորհրդարանի պայմաններում, երբ հրահանգներ են կատարում, կարող են դեմ քվեարկել իրենց կողմից ներկայացված ցանկացած օրինագծի` այդպիսով տապալելով իրենց բարեփոխումների ծրագիրը: Այս կարծիքին է «Ժառանգության» փոխնախագահ Արմեն Մարտիրոսյանը, իսկ ԱԺ «Ժառանգություն» խմբակցության ղեկավար Ռուբիկ Հակոբյանը կարծում է, որ իրենց առաջարկներն արդեն ողջամիտ են, եւ ընդամենը քաղաքական ճաշակի հարց է:
Ի՞նչ հնարավոր հանգուցալուծում կարող է լինել, հարցրինք Հակոբյանին: «Պետությունը հայտնվել է ծանրագույն իրավիճակում ընտրությունները կեղծելու առումով, եւ ինչ որ կատարվում է, սրա հետեւանք է: Եվ պետք է կարողանալ ճիշտ գնահատել այս պահը ու ինչ-որ տեղ նաեւ փոխադարձ լուծումներով կարողանալ պետությունը դուրս բերել այս վիճակից: Պետք է ասել, որ այն, ինչ իրենք ասում են՝ խելամիտ, ողջամիտ լուծում չէ, եւ ստիպված մենք էլ համարժեք քայլեր պիտի ձեռնարկենք ի պատասխան իրենց»: Քայլեր ասվածն էլ դեռեւս դրսեւորվում է հանրահավաքներով, մինչեւ որ դե յուրե ու դե ֆակտո իշխանության վերնախավում կարողանան փոխադարձ լուծումներ գտնել իրավիճակից դուրս գալու համար: Իսկ մինչ այս, Արգամիչը հայտարարեց, որ իրենք ընդդիմադիրների հանրահավաքները ցրելու անօրինական քայլերի չեն դիմի, օրինակ՝ բանակի կամ ուժային կառույցների մասնակցությամբ:
Կարծիքներ