Մեկնարկում է «Երկնքից երեք խնձոր ընկավ...» հեքիաթասացության և բարբառի 6-րդ փառատոնը
hraparak
22 Սեպտեմբեր 2014 | 13:25
0
«Երկնքից երեք խնձոր ընկավ...» հեքիաթասացության և բարբառի վեցերորդ մրցույթ-փառատոնի նախընտրական մարզային փուլն իրականացվել է հունիսի 25-ից հուլիսի 25-ը մարզերում: Այնուհետև, փառատոնի ընտրական փուլ անցած մասնակիցները սեպտեմբերի 26-ին և 27-ին կմրցեն Հովհաննես Թումանյանի թանգարանում, որտեղ և սեպտեմբերի 28-ին տեղի կունենա մրցանակաբաշխությունը:
Փառատոնին առանց տարիքային սահմանափակման մասնակցում են բոլոր նրանք, ովքեր սիրում են հեքիաթ պատմել և տիրապետում են բարբառի, քանի որ հեքիաթները պատմվում են բացառապես բարբառներով: Նախապատվությունը տրվում է ավանդական ժողովրդական հեքիաթին:
Հեքիաթասացության և բարբառի 6-րդ փառատոնին մասնակցում են նաև Հայաստանում բնակվող ազգային փոքրամասնությունների ներկայացուցիչները՝ ասորիներ, հույներ, վրացիներ, ռուսներ, ուկրաինացիներ, բելառուսներ, գերմանացիներ, լեհեր, եզդիներ, քրդեր և հրեաներ:
Փառատոնի հիմնական նպատակն է վերակենդանացնել հեքիաթասացությունն իբրև բանահյուսական նյութի մատուցման կարևորագույն միջոց, մոռացությունից փրկել հայոց բարբառները, և ճանաչել Հայաստանում բնակվող ազգային փոքրամասնությունների մշակույթն ու նպաստել մշակութային երկխոսությանը:
Կարծիքներ