Հռոմի պապը ժամանել է Թուրքիա
Կաթոլիկ աշխարհի հոգևոր առաջնորդ Ֆրանցիսկոս պապն արդեն Թուրքիայում է:
Ինչպես տեղեկացնում է TRT Haber-ը, Հռոմի պապին ու նրան ուղեկցող պատվիրակությանը տեղափոխող իտալական Alitalia ավիաընկերության հատուկ ինքնաթիռը վայրէջք է կատարել Անկարայի Էսենբողա օդանավակայանում:
Դիմավորման պաշտոնական արարողության ընթացքում նրան ողջունել է Թուրքիայի արտգործնախարար Մևլութ Չավուշօղլուն:
Ֆրանցիսկոս պապն օդանավակայանից ուղևորվել է Աթաթուրքի դամբարան:
Հոգևոր առաջնորդի եռօրյա այցը Թուրքիա բավական հագեցած է: Այնտեղ նա հանդիպելու է Թուրքիայի նախագահ Ռեջեփ Թայիփ Էրդողանի հետ, լինելու է նաև Ստամբուլում, այցելելու է եկեղեցիներ ու մզկիթ:
Կարծիքներ