«ՀԺ». Այդ տարածքում տեղադրվելու է «ազգային հերոս Կարեն Դեմիճյանի հուշարձանը»
hraparak
13 Փետրվար 2016 | 06:04
0
«Հայկական ժամանակ»-ը գրում է. «ՀՀ ազգային հերոս Կարեն Դեմիրճյանի հիշատակը հավերժացնող հուշարձան-կոթողը, որի մասին խոսվում էր շուրջ մեկուկես տասնամյակ, այս տարի վերջապես տեղադրվելու է մայրաքաղաքում: Նախնական որոշմամբ՝ բացումը կլինի ապրիլի 12-ին: Տեղեկությունը մեր թղթակցի հարցին ի պատասխան հայտնել է Երեւանի գլխավոր ճարտարապետ Տիգրան Բարսեղյանը: Նա ասել է, որ Կարեն Դեմիրճյանի քանդակը պատվիրվել է Տիգրան Արզումանյանին, եւ այն արդեն 80 տոկոսով պատրաստ է:
Հուշարձան-կոթողը կլինի բոլորաքանդակ՝ Ղարաբաղի սպիտակ մարմարից: Նշենք, որ նախորդ տարիներին Դեմիրճյանի հուշարձանի նախագծի մի քանի մրցույթ է հայտարարվել, բայց ամեն անգամ էլ ներկայացված աշխատանքներից ոչ մեկը հաղթող չի ճանաչվել: Քանդակը նախատեսվում է տեղադրել Երեւան քաղաքի Մաշտոց եւ Գլխավոր պողոտաներին հարող տարածքում՝ «Մալիբու» սրճարանի դիմաց, որտեղ գտնվողն ցուցանակն արդեն տարիներ շարունակ ազդարարում է, որ այդ տարածքում տեղադրվելու է «ազգային հերոս Կարեն Դեմիճյանի հուշարձանը»:
Մանրամասները՝ թերթի այսօրվա համարում:
Կարծիքներ