Բակո Սահակյանն ընդունել է Բելգիայի Սենատի փոխնախագահի գլխավորած պատվիրակությանը
hraparak
15 Մարտ 2016 | 17:45
0
Արցախի Հանրապետության Նախագահ Բակո Սահակյանը մարտի 15-ին ընդունել է Բելգիայի Թագավորության Ֆլանդրիայի խորհրդարանի մի խումբ անդամների՝ Բելգիայի Սենատի փոխնախագահ Կառլ Ֆոնլաուվեի գլխավորությամբ:
Ինչպես հայտնում են Արցախի Հանրապետության Նախագահի աշխատակազմի տեղեկատվության գլխավոր վարչությունից, քննարկվել են երկկողմ հարաբերությունների զարգացմանն առնչվող հարցեր:
Նախագահ Սահակյանը կարևորել է Արցախ-Ֆլանդրիա կապերի խորացումը տնտեսական, քաղաքական և մարդասիրական տեսանկյուններից՝ հավելելով, որ նրանց ընդլայնման համար առկա են նպաստավոր պայմաններ:
Հանդիպման ընթացքում Նախագահ Սահակյանը Լեռնային Ղարաբաղի Հանրապետությանը մատուցած ծառայությունների համար ՀՅԴ Հայ դատի Եվրոպայի հանձնախմբի գրասենյակի անդամ Հեղինե Էվինյանին հանձնել է «Երախտագիտություն» մեդալ՝ բարձր գնահատելով նրա հայրենանվեր գործունեությունը:
Հանդիպմանը ներկա էին ԼՂՀ ԱԺ նախագահի տեղակալ Վահրամ Բալայանը, արտգործնախարար Կարեն Միրզոյանը, ՀՅԴ Հայ դատի Եվրոպայի հանձնախմբի նախագահ Կասպար Կարապետյանը, պաշտոնատար այլ անձինք:
Կարծիքներ