Դժվար թե Դավիթ Իշխանյանն իր վատագույն երազում տեսներ, որ իր 55-ամյակը Բաքվի բանտում է դիմավորելու․ Աբրահամյան
![Դժվար թե Դավիթ Իշխանյանն իր վատագույն երազում տեսներ, որ իր 55-ամյակը Բաքվի բանտում է դիմավորելու․ Աբրահամյան](https://hraparak.am/uploads/images/2023/12/image_750x_658c71f14389f.jpg)
ԱԺ «Պատիվ ունեմ» խմբակցության քարտուղար Տիգրան Աբրահամյանը ֆեյսբուքյան իր էջում գրում է․
«Դժվար թե Արցախի խորհրդարանի նախագահ Դավիթ Իշխանյանը նույնիսկ իր վատագույն երազում տեսներ, որ իր 55-ամյակը ադրբեջանական բանտում է դիմավորելու:
Բայց փաշինյանական իրականությունում նույնիսկ ամենաանհավանական ողբերգական սցենարներն են իրականանում:
Պատկերացնում եմ, թե ինչ ապրումների մեջ են Իշխանյանի և մեր մյուս գերեվարված հայրենակիցների ընտանիքներն ու հարազատները:
Պայքարի բոլոր փուլերում, ամենատարբեր կարգավիճակներում, Դավիթ Իշխանյանին մարդիկ առաջին հերթին ընդունել են որպես ազնիվ և արդար հայի, ով նույնիսկ ամենաբարդ քաղաքական իրավիճակներում հանդես է եկել իր ընկալելի դիրքորոշումներով և վարքագծով:
Ծնունդդ շնորհավոր ընկեր Իշխանյան!
Համբերություն և ամուր կամք Բաքվի բանտերում գտնվող մեր բոլոր հայրենակիցներին և նրանց ընտանիքներին»։
Կարծիքներ