Թրամփը պատրաստ է նոր պաշտոն ստանձնել․ ի՞նչ են առաջարկել
![Թրամփը պատրաստ է նոր պաշտոն ստանձնել․ ի՞նչ են առաջարկել](https://hraparak.am/uploads/images/2023/10/image_750x_651fa82408757.jpg)
Ամերիկայի նախկին առաջնորդ Դոնալդ Թրամփը հայտարարել է, որ պատրաստ է որոշ ժամանակով դառնալ ԱՄՆ Ներկայացուցիչների պալատի խոսնակ։ Այս մասին հայտնել է Fox News հեռուստաալիքը։
«Նրանք [հանրապետականները] ինձ հարցրեցին, թե արդյոք կարող եմ դիտարկել Ներկայացուցիչների պալատի խոսնակի պաշտոնը զբաղեցնելու տարբերակը, մինչև երկարաժամկետ թեկնածու գտնեն։
Ես դա կանեմ, եթե անհրաժեշտ լինի, եթե նրանք չկարողանան որոշում կայացնել», - ասել է նա:
Հիշեցնենք, հոկտեմբերի 3-ին Քևին Մաքքարթին հեռացվեց ԱՄՆ Կոնգրեսի Ներկայացուցիչների պալատի նախագահի պաշտոնից։ Այժմ կոնգրեսական Մաքհենրին է կատարում խոսնակի պարտականությունները, քանի դեռ կոնգրեսականները չեն ընտրել նորին։
Կարծիքներ