Իրանում միջուկային զենք ստեղծելու մտադրություն չունեն․ Մուհամմադ Ջավադ Զարիֆ
Իրանը չի ձգտում ստեղծել սեփական միջուկային զենքը։ Իր թվիթերյան էջում այս մասին գրառում է կատարել Իրանի ԱԳ նախարար Մուհամմադ Ջավադ Զարիֆը։ «Իրանի գերագույն առաջնորդ այաթոլլա Խամենեին արդեն վաղուց է հայտարարել, որ մենք չենք ձգտում ունենալ միջուկային զենք։ Նա նաույնիսկ հատուկ կրոնական հրովարտակ՝ ֆեթֆա է հրապարակել, որն արգելում է դա»,- ասված է իրանական արտաքին քաղաքական գերատեսչության ղեկավարի գրառման մեջ։ Զարիֆը նաեւ ասել է, որ ամերիկյան տնտեսական ահաբեկչությունը վնասում է Իրանի ժողովրդին, եւ լարում իրադրությունը ռեգիոնում։ Նշենք, որ մայիսի 20-ի դրությամբ Իրանն ավելացրել է ուրանի հարստացումը չորս անգամ։
Կարծիքներ